Kokpit.az xatırladır ki, taylandlı pilot Bakı Şəhər Halqasının beşinci döngəsində bolidinin idarəetməsini itirib və divara çırpılıb. Yarışdan sonra Elbon bu qəzanı gözlənilmədən əsən küləklə əlaqələndirib.
Aleks Elbon: “Düzünü desəm, bu, qəribə qəza idi. Əvvəlki dövrə ilə müqayisədə bir qədər gec əyləclədim və gözləmədiyim güclü külək axınına düşdüm. Həmin anda düşündüm ki, sadəcə təkərləri bloklayacağam və döngədən daha geniş çıxacağam. Amma heç cür divara çırpılacağımı düşünmürdüm. Hər şeyi dəqiqləşdirmək üçün telemetriyanı təhlil edəcəyik.
Texniki yeniliklərə gəlincə, gözlədiyimiz irəliləyişi əldə etdik və orta qrupdakı mübarizəyə qayıtdıq. Mövsümün əvvəlini xatırlasaq, bolidimizin çəkisi normadan artıq idi. Şassini yenidən hazırlamalı olduq və komanda bu işin öhdəsindən vaxtında gəldi, lazımi çəkiyə nail oldu. Bu, səkkiz ay əvvəlki vəziyyətlə müqayisədə tamamilə fərqli mənzərədir”.
Şərh əlavə et