Kokpit.az xatırladır ki, italyan sürücü sıralanma turunda səhv edərək, Bakı Şəhər Halqasındakı yarışa 16-cı yerdən başlayıb. Lakin çempionatın lideri yarışda yaxşı performans göstərərək, finiş xəttini beşinci yerdə keçib.
Kimi Antonelli: “Düşünürəm ki, beşinci yerdə finiş görməyimizə sevinməli olduğumuz günlərdən biri idi. Təbii ki, heç bir şübhə yoxdur ki, məhz bu həftəsonunu mövsümdə keçirdiyim ən pis həftəsonu hesab etmək olar.
Sadəcə bütün həftəsonu ərzində özümü daim bir addım geridə hiss edirdim. Xüsusilə sıralanma turunda etdiyim səhvi nəzərə alsaq, özüməinamım da o qədər yüksək deyildi. Bazar günü yarışda əsas məqsədim sadəcə itkiləri minimuma endirmək idi.
Tempimiz yaxşı deyildi. Bundan başqa, restart zamanı Oliver Bermanın bolidi ilə təmasdan sonra Mercedes-in altlığı ciddi şəkildə zədələndi. Asan olmadı, ancaq əlimdən gələnin ən yaxşısını etməyə çalışdım.
Ümid edirəm ki, bu həftəsonu mənə çox şey öyrətdi. Düşünürəm ki, bir çox məqamda psixoloji vəziyyətim də yəqin ki, ən yaxşı səviyyədə deyildi. Növbəti dəfə lazımi səviyyəyə qayıtmağa çalışacağam”.
Şərh əlavə et