Kokpit.az xatırladır ki, son dövrlərdə gələcəyi qeyri-müəyyən olan fransalı sürücü Bakı Şəhər Halqasında komanda yoldaşı Oliver Bermanı qabaqlayaraq, vacib 4 xal qazanıb.
Esteban Okon: “Bu, cəmi səkkizinci yer olsa da, onu qazanmaq üçün həqiqətən mübarizə aparmalı olduq. Buna görə də çox razıyam.
Startdan sonra bolidlə bağlı kiçik problemlərimiz oldu, lakin pit-stop zamanı asılqanın sazlamalarında bir qədər dəyişiklik etdik və bu, özünü doğrultdu. Bundan sonra bolid çox sürətli idi və inamla irəliləyə bildim.
Əsas düzlükdə Arvidə bir mövqe uduzdum. Orada müəyyən qarışıqlıq yarandı, sarı bayraqlar göründü və ola bilsin ki, bir qədər ehtiyatlı davrandım. Amma istənilən halda, o, həmin düzlükdə məndən çox sürətli idi.
Biz iki pilotla da xal qazanmağa layiq idik. Bu, qarşıdakı yarışlar öncəsi müsbət siqnaldır”.
Şərh əlavə et