Kokpit.az xatırladır ki, Liam Louson bu mövsüm RB ilə 43 xal toplayıb və hazırda çempionatda 9-cu yerdədir. Arvid Lindblad isə topladığı 23 xalla 11-ci yerdə qərarlaşıb. Racing Bulls isə 66 xalla Mühəndislər Kubokunda 5-ci yerdədir.
Komandanın ehtiyat pilotunun isə bu gün Formula 1 bolidində ilk testlərini keçirən və Formula 2-də çempionatın lideri olan Nikola Tsоlov olacağı gözlənilir.
Racing Bulls-un icraçı direktoru Peter Bayer heyətlə bağlı qərarın hələ verilmədiyini bildirib, lakin hazırkı vəziyyətdə dəyişiklik gözlənilmədiyinə işarə edib: “Arvid və Liam çox yaxşı çıxış edirlər. Liam hazırda çempionatda doqquzuncudur və həm sıralanma turlarında, həm də yarışlarda dəfələrlə yüksək sürət nümayiş etdirib. Nikola haqqında da eyni sözləri demək olar – o, Formula 2-də çox yaxşı çıxış edir.
Nəticədə gələn il üçün heyətlə bağlı qərarı komanda rəhbəri Alan Permeyn verməlidir. O, komanda üçün ən yaxşı variantın hansı olduğuna qərar verəcək”.
Şərh əlavə et