Kokpit.az xatırladır ki, britaniyalı sürücü pouldan başladığı yarışı qazanıb və lider Kimi Antonelli ilə fərqi daha 10 xal azaldıb.
Corc Rassell: “Yenidən podiumun ən yüksək pilləsinə qalxdığım üçün inanılmaz dərəcədə xoşbəxtəm! Son qələbəmdən (Avstraliya Qran Prisindən) bəri xeyli vaxt keçmişdi. Bu axşam qeyd edəcəyim bir şey var! Hava çox isti idi və yarışın sonunda artıq ciddi şəkildə susamışdım.
Yenidən doğru yola qayıtmaq üçün komanda ilə birlikdə çox çalışdıq. Bir müddət formamızın istədiyimiz səviyyədə olmadığını düşünürdük. Bu həftəsonu Maks Ferstappen və Red Bull çox sürətli idi, onlar da tərifə layiqdirlər.
Hər dövrədə maksimum hücum etməli olurdum. Limitdə sürəndə kiçik səhvlərin baş vermə ehtimalı artır. Üstəlik, komanda yoldaşım Kimi Antonelli də bu mövsüm çox sürətlidir, ona görə də hər dövrədə tayminq ekranına baxırdım.
Son pit stopumuzu kifayət qədər erkən etdik və bilirdim ki, son hissə uzun olacaq. Amma komanda pit-stop üçün ideal vaxt seçdi.
Belə çətin yarışlar psixoloji hazırlığı da sınağa çəkir. Son iki həftəsonu mənə yenidən qalib gələ biləcəyimi xatırlatdı. Mövsümün əvvəlindən yaxşı tempimiz var idi, baxmayaraq ki, bu tras sürüş üslubuma tam uyğun deyil.
Növbəti həftə Silverstounda keçiriləcək yarış üçün səbirsizlənirəm. Britaniyalı azarkeşlərlə görüşəcəyəm və əminəm ki, möhtəşəm həftəsonu olacaq”.
Şərh əlavə et