Kokpit.az xatırladır ki, italyan sürücü poul uğrunda mübarizə aparırdı, lakin Maks Ferstappenin qəzasına görə sarı bayraqlar çıxıb. Buna görə də çempionatın lideri dördüncülüklə kifayətlənib.
Həmin anda yaşadığı çaşqınlıqdan danışan gənc italiyalı pilot bunları deyib: “Niyə belə düşündüyümü bilmirəm, amma həmin anda ikiqat sarı bayraq göstərildiyini zənn etdim. Buna görə də dövrəmi yarımçıq saxladım və ilk cərgədən start almaq şansını əldən verdim. Bunu etməməli idim, bu, tamamilə mənim səhvim idi”.
Antonelli bildirib ki, dövrəsini tamamlaya bilsəydi, komanda yoldaşı Corc Rassellə birlikdə ilk cərgədə yer ala bilərdi. O, eyni zamanda yarış öncəsi təkərlərin aşınmasının əsas amillərdən biri olacağını vurğulayıb. “Corcla aramızdakı fərq çox cüzi idi. Cəmi saniyənin onda biri qədər. Yəqin ki, yenə də məndən bir qədər öndə olardı, amma mən də ilk cərgədə yer alacaqdım. Buna görə çox təəssüf edirəm.
Yarışda əlimizdən gələnin ən yaxşısını etməyə çalışacağıq. Bu, qətiyyən asan yarış olmayacaq, xüsusilə də təkərlərlə bağlı.
Strategiya ilə bağlı veriləcək qərarlar yarışın nəticəsini dəyişə bilər. Təkər aşınması çox yüksək olacaq, ancaq ən yaxşı nəticəni qazanmaq üçün bütün limitlərdə sürəcəyik”.
Şərh əlavə et