Əməkdaşlıq çərçivəsində McLaren Racing Intel-in texnoloji həllərindən və hesablama infrastrukturundan istifadə edəcək. Kanada Qran Prisində isə şirkətin loqoları Lando Norris və Oskar Piastrinin bolidlərində yer alacaq.
McLaren Racing-in icraçı direktoru Zek Braun bildirib ki, Formula 1 və IndyCar-da uğurun böyük hissəsi texnologiyadan asılıdır.
Zek Braun: “IndyCar və Formula 1-də uğur böyük ölçüdə texnologiyadan asılıdır və Intel ilə əməkdaşlıq innovasiyaları daha geniş miqyasda tətbiq etmək imkanlarımızı gücləndirir.
Intel artıq texnoloji ekosistemimizin vacib hissəsidir və onların hesablama texnologiyaları sahəsində liderliyi bolidlərimizi necə layihələndirdiyimizə, necə yığdığımıza və yarışlarda necə iştirak etdiyimizə ciddi təsir göstərəcək. Əməkdaşlığımızın daha da güclənməsindən məmnunuq”.
Şərh əlavə et