Formula 1 üzrə son dünya çempionu Mayamidə yarışı ikinci yerdə başa vurub və mövsümdə ilk dəfə podiuma yüksəlib. Onun komanda yoldaşı Oskar Piastri üçüncü olub. McLaren komandası dubl podium nəticəsindən razı qalsa da, Mercedes-in mövsümdə dördüncü qələbəni qazanmasına imkan verdikləri üçün məyus olub.
Lando Norris: “Nəticə bir az qarışıqdır. Mənə qarşı ‘undercut’ tətbiq olundu və başqa izah yoxdur.
Biz birinci pitə getməli idik, amma Kimi əla iş gördü. Ona və Mercedes-ə hörmət edirəm. Onlar əla yarış keçirdilər. Bu nəsil bolidlərdə əyləcdə səhv etmək çox asandır, amma o, istifadə edə biləcəyim ciddi səhvə yol vermədi.
Belə nəticədən məmnun olmalıyam, komanda da elə. Lakin Mayamidə qələbəni qaçırdığım üçün məyusam. Düşünürəm ki, bu mümkün idi, ancaq finişə yaxın Kimini keçmək üçün tempim yox idi. Ona görə nəticəni qəbul edirik. Yaxşı həftəsonu oldu.
Bu gün hər şeyi səhvlərin sayı həll etdi. Hücum üçün düzgün anları seçmək lazım idi. Yarış kənardan maraqlı görünürdü, mən də razıyam. Amma asan deyildi. Batareyanı taktiki istifadə etmək hələ də vacibdir. Kiçik səhv belə hər şeyi poza bilər. Ümumilikdə yaxşı iş gördük və hamı ilə fəxr edirəm”.
Şərh əlavə et