Dario Marrafuski, Pirelli-nin yarış proqramları üzrə direktoru: “Həftəsonu başlamazdan əvvəl gözlədiyimiz kimi, bir pit-stop strategiyası ən sürətli variantdır. Mayami mərhələsi üçün seçilən təkərlər sabit performans və aşağı aşınma nümayiş etdirdi, buna görə də stintlərin uzadılması problem yaratmayacaq. İki pit-stop strategiyası isə təxminən on saniyə geri qalır.
Medium-Hard kombinasiyası və 22–28-ci dövrələr arasında pit-stop ən sürətli variant kimi görünür və təhlükəsizlik avtomobili ehtimalı yüksək olan Mayamidə kifayət qədər elastiklik təmin edir.
Soft-Hard kombinasiyası da yaxşı seçimdir. Bu halda pit-stopu 16–22-ci dövrələr arasında etmək məsləhətdir. Medium-Soft isə dövrə vaxtı baxımından daha zəif variantdır və pit-stop 32–38-ci dövrələr arasında planlaşdırılmalıdır.
Aydındır ki, çox şey havadan asılıdır. Bazar günü yarış yağış altında da keçirilə bilər”.
Şərh əlavə et