İlk cərgə uğrunda mübarizədə rəqiblərindən geri qalan monakolu pilot yarışa üçüncü yerdən başlayacaq. O, asfaltayatma qüvvəsinin az olması və trasda ilişməsi zəifləməsi səbəbindən bolidi idarə etməkdə çətinlik çəkdiyini, buna baxmayaraq sessiyadan zövq aldığını deyib.
Sıralanma turundakı çıxışını və bolidin davranışını dəyərləndirən Lekler fikirlərini belə ifadə edib.
Şarl Lekler: “Açığı, bu gün yaxşı çıxış edə bilmədim. Ən çox çətinlik çəkdiyimiz məqam təkərləri düzgün iş temperaturuna çatdırmaq oldu.
Q3-də ikinci cəhdimdə nisbətən təmiz dövrə vurdum. Ancaq bolid əvvəlki dövrələrlə müqayisədə tamamilə fərqli hiss etdirirdi və həlledici anda lazımi tempi tapa bilmədim.
Təbii ki, bir qədər məyusam. Bununla belə, burada yarışa üçüncü yerdən başlamaq heç də pis nəticə deyil.
Xüsusilə Q3 boyunca bolidlə daim mübarizə aparmalı oldum. Lakin günün sonunda vəziyyət hamı üçün eynidir. Burada malik olduğumuz asfaltayatma qüvvəsi səviyyəsinə görə trasda ilişmə o qədər aşağıdır ki, bolidi limitdə saxlamaq üçün sükan arxasında əsl mübarizə aparmalı olursunuz.
Buna baxmayaraq, belə çətin şəraitdə bolidi limitlərinə qədər sürmək həqiqətən çox zövqlü idi”.
Şərh əlavə et