Toto Volff: “Kimi Antonelliyə görə çox sevinirəm, o, həqiqətən bu qələbəyə layiq idi! – Mercedes komandasının rəhbəri Sky Sports-un efirində bildirib. – Əgər maşında problemlər olmasaydı, o, Silverstounda da qalib gəlməli idi. Amma Spada bütün həftəsonunu çox inamlı keçirib və bir dənə də səhvə yol verməyib. Hətta bəxti gətirməyəndə belə – virtual təhlükəsizlik maşını rejimi onun üçün uğursuz məqamda tətbiq olunub və o, liderliyi əldən verib, amma yenə də itirdiyini qaytara və yarışı qələbə ilə başa çatdıra bilib. Bu, layiqli uğurdur.
Corc Rassellə gəlincə, iki məqam üzərində dayanmaq lazımdır. Birincisi, ilk dövrədəki insidentə görə təəssüflənməliyik, çünki onun üzündən həm o, həm də komanda xeyli xal itirib. Amma bütün Mercedes mühərriklərində eyni problem var – düzlüklərdə sürətimiz çatmır. Buna görə Corc ciddi çətinliklərlə üzləşib və burada məsuliyyət tamamilə bizim üzərimizdədir.
Komanda problemi həll etmək üçün bütün səylərini göstərir. Güc qurğularımız ən güclüdür, maşın sürətlidir və qələbələr uğrunda mübarizə aparmağa imkan verir. Hamı daha az səhvə yol verməyə çalışır, amma bu yenə də baş verir, çünki hamımız insanıq. Silverstounda biz Kimini yarı yolda qoyduq və orada podiuma Corc qalxdı, yəqin ki, gözləniləndən daha yüksək nəticə göstərdi.
Monrealda və Barselonada yarışı dayandırmalarımız olub və bu hadisələr də mövsümümüzün gedişinə təsir edir. Amma Formula 1 texniki idman növüdür. Biz əla güc qurğusu yaradıbıq və mən onun gücünü artırmağa, yaxud maşının sürətini yüksəltməyə çalışmaqdansa, etibarlılığını artırmaqla məşğul olmağa üstünlük verirəm.
Həmin insidentdə Corc Lyuis Həmiltonu xarici trayektoriya ilə qabaqlamağa çalışıb, çox gec əyləci basıb və 5-ci döngədə önə çıxmalı idi, amma yarış insidenti baş verib. Belə hallar ön sıralarda, pelotonun ortasında və ya sonunda mübarizə aparmağınızdan asılı olmayaraq baş verə bilər.
Rassellin bu həftəsonu üzləşdiyi çətinliklər, yəqin ki, yarıbayarı lazım olduğundan zəif işləyən güc qurğusu ilə bağlıdır, amma istisna deyil ki, qismən pilotajla da əlaqəlidir. Bununla belə, hamımız səhvlərə yol veririk və bu gün komanda ən yaxşı şəkildə işləməyib. Növbəti dəfə sürücü səhv edə bilər, amma biz sadəcə səhvləri minimuma endirməyə və bir-birimizi dəstəkləməyə çalışmalıyıq”.
Şərh əlavə et