2024-cü ildə imzalanmış əvvəlki müqavilənin qeyri-rəsmi məlumatlara görə 2029-cu ilin sonuna qədər qüvvədə olduğu bildirilirdi.
28 yaşlı Lekler artıq Formula 1 tarixində Ferrari ilə ən çox yarışa çıxan ikinci pilotdur. O, həmçinin qazanılan poul sayına görə də yalnız Mixael Şumaxerə uduzur.
Şarl Lekler: “Ferrari ilə çıxışlarımı davam etdirəcəyim üçün çox xoşbəxtəm. Bu komanda mənim üçün sadəcə bir komanda deyil. Uşaqlıqdan xəyal etdiyim komanda olub və bütün bu illər ərzində mənim ikinci ailəmə çevrilib.
Birlikdə həm qələbələr, həm də çətin anlar yaşamışıq. Bu komandaya əvvəlkindən daha çox inanıram və ortaq məqsədimiz uğrunda – çempionluğu yenidən Maranelloya qaytarmaq üçün birlikdə çalışmağa davam edəcəyimizə görə dərin minnətdarlıq hissi keçirirəm.
Ferrari pilotu olmaq təkcə arzu deyil, həm də böyük məsuliyyətdir. Maranellodakı hər kəs və xüsusilə də ehtirası Skuderiyanın ürək döyüntüsü olan tifozilər üçün bu komandanı layiq olduğu zirvəyə qaytarmaq məqsədilə əlimdən gələnin ən yaxşısını etməyə davam edəcəyəm”.
Komandanın rəhbəri Frederik Vassyor isə bildirib ki, müqavilənin uzadılması tamamilə təbii addım olub: “Şarl uzun illərdir Ferrari ailəsinin bir hissəsidir və müqavilənin uzadılması məntiqli qərar idi. Bu illər ərzində o, təkcə Formula 1-in ən güclü pilotlarından birinə deyil, həm də komandanın ayrılmaz simalarından birinə çevrilib.
Onun istedadını və qətiyyətini yüksək qiymətləndiririk. Bu layihənin onun üçün nə qədər vacib olduğunu bilirik və ortaq məqsədlərimiz uğrunda birlikdə çalışmağa davam edəcəyimiz üçün şadıq”.
Ferrari üçün bu xəbər Monako Qran Prisi ərəfəsində həm komanda daxilində sabitlik, həm də gələcəyə inam baxımından mühüm addım hesab olunur. Şarl Lekler artıq uzun müddətdir Skuderiyanın gələcəyinin əsas sütunlarından biri sayılır və yeni müqavilə bunun növbəti təsdiqi olub.
Şərh əlavə et