Yeganə məşq sessiyasında (reqlament dəyişikliklərinə görə 90 dəqiqəyə uzadılmışdı) ən yaxşı nəticəni Şarl Lekler göstərib. Amma komandalar əsasən test proqramı ilə məşğul olub, xalis sürət üzərində ciddi işləməyiblər.
Çempionatda lider olan Kimi Antonelli güc qurğusu problemi səbəbindən məşqi vaxtından əvvəl bitirib. Lakin Mercedes mexanikləri kvalifikasiyaya qədər maşını bərpa edərək batareyanı dəyişib və son anda hazır vəziyyətə gətiriblər.
Pirelli Mayamiyə “yumşaq” təkər üçlüyünü gətirib – C3, C4 və C5, müvafiq olaraq Hard, Medium və Soft kimi.
Sprint kvalifikasiyası isə hər şeyi yerinə qoyub.
Sprint kvalifikasiyası
Birinci sessiya (SQ1)
Qaydalara uyğun olaraq hamı Medium təkərlərlə trasa çıxıb. Trafik problem yaradırdı, sürücülər hücum üçün boşluq tapmağa çalışırdı.
Ləns Stroll 17-ci döngədə təhlükəsizlik zonasına çıxaraq sarı bayraqlara səbəb olub, amma sonra davam edib. İlk cəhdlərdə Lekler 1:29.290 nəticə ilə lider olub və Antonellini cəmi 0.022 saniyə qabaqlayıb. Liam Louson isə təkərləri blokladığı üçün cəhdini yarımçıq dayandırıb.
İkinci cəhdlərdə McLaren önə çıxıb. Lando Norris 1:28.723 nəticə ilə birinci yerə yüksəlib.
Stroll iki dəfə trasdan çıxandan sonra boksa qayıdıb və nəticə göstərə bilmədən mübarizəni dayandırıb. Fernando Alonso isə liderdən 12 saniyə geri qalıb. Onun son dövrəsi tras limitlərinə görə silinib.
Norrisin nəticəsi dəyişməyib və Louson, Esteban Okon, Serxio Peres, Valtteri Bottas, Alonso və Stroll mübarizədən kənarda qalıb.
İkinci sessiya (SQ2)
Hamı yenidən Medium təkərlərlə çıxıb. Pit-leyndə Pyer Qasli az qala Maks Ferstappenin yolunu kəsəcəkdi, amma vaxtında dayanıb və insidentdən qaçılıb.
İlk cəhdlərdə Lekler 1:28.470 nəticə ilə lider olub. Oliver Berman ilk cəhdini buraxıb, Oskar Piastri isə liderdən cəmi 0.04 saniyə geri qalsa da ikinci cəhdə çıxmayıb.
İkinci cəhdlərdə Lekler nəticəni 1:28.333-ə yaxşılaşdıraraq liderliyi qoruyub. Antonelli də sürətlənib, lakin digər sürücülər nəticələrini yaxşılaşdıra bilməyib.
Finala Bortoleto, Hülkenberq, Berman, Elbon, Karlos Sayns və Arvid Lindblad keçə bilməyib.
Final (SQ3)
Hamı Soft təkərlərlə yeganə sürətli dövrəsinə çıxıb. Norris 1:27.869 nəticə ilə liderliyi ələ keçirib və heç kim onu keçə bilməyib. Ona ən yaxın nəticəni Antonelli göstərib və 0.2 saniyə geridə qalıb.
Beləliklə, Lando Norris Mayamidə sprint kvalifikasiyasını qazanaraq bu sessiyada karyerasının beşinci poulunu əldə edib.
Sprintdə start düzümü belə olacaq:
- 1-ci sıra: Norris və Antonelli
- 2-ci sıra: Piastri və Lekler
- 3-cü sıra: Ferstappen və Corc Rassell
Görünən odur ki, güc balansı doğrudan da dəyişməyə başlayıb.
| Sıra | Sürücü | Komanda | SQ1 | SQ2 | SQ3 |
|---|---|---|---|---|---|
| 1 | L.Norris | McLaren | 1:28.723 | 1:29.366 | 1:27.869 |
| 2 | K.Antonelli | Mercedes | 1:29.312 | 1:29.209 | 1:28.091 |
| 3 | O.Piastri | McLaren | 1:29.169 | 1:28.506 | 1:28.108 |
| 4 | Ş.Lekler | Ferrari | 1:28.733 | 1:28.333 | 1:28.239 |
| 5 | M.Ferstappen | Red Bull | 1:29.801 | 1:29.093 | 1:28.461 |
| 6 | D.Rassell | Mercedes | 1:29.659 | 1:28.903 | 1:28.493 |
| 7 | L.Həmilton | Ferrari | 1:29.255 | 1:28.841 | 1:28.618 |
| 8 | F.Kolapinto | Alpine | 1:30.386 | 1:29.527 | 1:29.320 |
| 9 | A.Hadjar | Red Bull | 1:30.352 | 1:29.750 | 1:29.422 |
| 10 | P.Qasli | Alpine | 1:29.984 | 1:29.973 | 1:29.474 |
| 11 | G.Bortoleto | Audi | 1:30.561 | 1:29.994 | — |
| 12 | N.Hülkenberq | Audi | 1:30.270 | 1:30.019 | — |
| 13 | O.Birman | Haas | 1:30.614 | 1:30.116 | — |
| 14 | A.Elbon | Williams | 1:30.988 | 1:30.216 | — |
| 15 | K.Sayns | Williams | 1:30.987 | 1:30.224 | — |
| 16 | A.Lindblad | Racing Bulls | 1:30.872 | 1:30.573 | — |
| 17 | L.Louson | Racing Bulls | 1:31.043 | — | — |
| 18 | E.Okon | Haas | 1:31.245 | — | — |
| 19 | S.Peres | Cadillac | 1:31.255 | — | — |
| 20 | V.Bottas | Cadillac | 1:31.826 | — | — |
| 21 | F.Alonso | Aston Martin | 1:41.311 | — | — |
| 22 | L.Stroll | Aston Martin | — | — | — |
Şərh əlavə et