Hazırda bütün güc qurğusu istehsalçıları xərclərin azaldılması və mühərrikin konstruksiyasının sadələşdirilməsi ilə razıdırlar. Üstünlük turbomühərrikli V8-ə verilir və standart MGU-K motor-generatorunun saxlanılması nəzərdə tutulur. Daxili yanma mühərriyi ekoloji cəhətdən təmiz yanacaqla işləməlidir.
Güc qurğusunun elektrik hissəsinə gəldikdə isə, onun hazırkı nəsillə müqayisədə əhəmiyyətli dərəcədə azaldılması planlaşdırılır.
Lakin müzakirələr hələ davam edir, lakin Formula 1-in rəhbəri Stefano Domenikali prosesin uzadılmamasına çağırıb ki, bütün istehsalçılar inkişaf üçün kifayət qədər vaxta malik olsunlar.
Öz növbəsində FIA-nın texniki direktoru Jan Monşo yeni güc qurğusunun parametrləri üzrə müzakirələrin avqust ayında yay fasiləsinə qədər başa çatacağını gözləyir.
Jan Monşo: “Keçən il artıq güc qurğusu istehsalçıları ilə danışıqlar aparmışdıq, bu zaman müxtəlif variantları araşdırmağa başladıq. Mən hesab edirəm ki, müzakirələr növbəti iki-üç ay ərzində başa çatmalıdır. Ümid edirəm ki, bu, daha uzun çəkməyəcək. Konkret qərarlar ilin sonuna qədər kağız üzərində təsdiqlənməlidir.
Biz ortaq məxrəcə gəlməyə çalışırıq ki, istehsalçılar yeni reqlamentdə özlərini görə bilsinlər. Mövcud güc qurğularının zəif tərəfləri yaxşı məlumdur. Biz kursu elə tənzimləməyə çalışacağıq ki, ən ciddi problemləri azaldaq. İstehsalçıların maliyyə vəziyyətini nəzərə alaraq, xərclərin azaldılması prioritetdir”.
Şərh əlavə et