Əsas yenilik baş konstruktor Ben Voterhausun səlahiyyətlərinin genişləndirilməsidir. O, artıq şassinin hazırlanması ilə bağlı bütün proseslərə cavabdeh olacaq və birbaşa komandanın texniki direktoru Pyer Vaşeyə izahat verəcək.
Voterhaus 2014-cü ildə Sauber-dən Red Bull sisteminə qoşulub. Əvvəlcə Toro Rosso-da texniki direktorun müavini kimi çalışıb, 2017-ci ildən isə Red Bull Racing-də performans üzrə baş mühəndis vəzifəsini icra edib.
Bundan əlavə, iyulun 1-dən etibarən Andrea Landi performans üzrə direktor kimi fəaliyyətə başlayacaq və Ben Voterhausa tabe olacaq. Landi daha əvvəl Ferrari-də işləyib, sonradan isə Racing Bulls komandasına keçərək texniki direktorun müavini vəzifəsində çalışıb. Komandanın açıqlamasına görə, onun təcrübəsi və biliyi yüksək nəticələr uğrunda mübarizədə əlavə güc qatacaq.
Red Bull-da vurğulanır ki, bu dəyişikliklər daxili kadrların inkişafına yönəlib. Bununla yanaşı, digər komandalarla işləyən mütəxəssislərin cəlb olunması istiqamətində işlər də davam etdirilir.
Şərh əlavə et