Kanadalı sürücü mövsümün ilk yarışı olan Melburndakı Qran-prisinə qədər bu fərqi bağlamağın mümkün olub-olmayacağına şübhə ilə yanaşır.
Ləns Stroll: “Avstraliyaya qədər geriliyi aradan qaldıracağımıza əmin deyiləm. Görünür, hazırda lider komandalarından dörd, hətta dörd saniyə yarım geri qalırıq. Digərlərinin hansı yanacaq yükü ilə işlədiyini bilmirik, amma biz nəticəni dörd saniyə yaxşılaşdırmağa çalışmalıyıq. Baxaq görək nə alınacaq.
Hazırda maşın aşağı ötürməyə keçid zamanı özünü çox yaxşı aparmır, ancaq zamanla bunun necə dəyişəcəyini görəcəyik. Yaxşı xəbər odur ki, Bəhreyndə hava günəşlidir və hava Böyük Britaniya ilə müqayisədə daha əlverişlidir.
Problemlərimiz bir neçə amilin kombinasiyasıdır – mühərrik, balans, ilişmə (grip). Tək bir səbəb yoxdur, və bu da kompleks məsələdir.
Maşını və mühərriki yaxşılaşdırmaq üçün işləməyə davam etməliyik. Formula 1-də bu adi vəziyyətdir. Rəqiblərdən geri qaldıqda, əlinizdə olan texnikadan maksimum nəticə çıxarmağın yollarını düşünməlisiniz.
Bu sahədə heç kim yerində saymır. Hər kəs hər sahədə yeni imkanlar axtarır. Biz də hər gün maşından daha çox nəticə almağa çalışırıq, uzunmüddətli perspektiv barədə düşünürük, güc qurğusunu və şassini yeniləyirik.
Avstraliyada hansı mövqedə olduğumuzu görəcəyik, sonra mövsüm ərzində necə irəliləyəcəyimizi izləyəcəyik. Biz maksimumumuzu edirik və hazırda edə biləcəyimiz də budur”.
Şərh əlavə et