Üstəlik, nəşr bunu belə təqdim edir: britaniyalı sürücünün Rikardo Adamini başqa mütəxəssislə əvəzləmək istəyi Maranelloda xüsusi anlayışla qarşılanmayıb və buna daha çox yeddiqat dünya çempionunun kaprizi kimi yanaşılıb.
İtaliya mətbuatının məlumatına görə, formal olaraq Həmiltonun yarış mühəndisi vəzifəsi hələ də vakantdır, lakin mövsümöncəsi testlər dövründə Lyuislə 2018-ci ildə bu rolda Kimi Rəykkönenlə çalışmış Karlo Santi işləyəcək. Santiyə isə müvəqqəti olaraq, yalnız testlər zamanı adətən Şarl Leklerklə çalışan Brayan Bottzi kömək edəcək.
İntriqa isə ondadır ki, bu, guya yalnız müvəqqəti həlldir və Skuderiya yaxın vaxtlara qədər McLaren-də çalışmış mütəxəssisin komandaya qoşulmasını gözləyir. Lakin belə bir ssenari artıq İtaliya komandasının daxilində baş verən dəyişikliklərlə açıq-aşkar ziddiyyət təşkil edir: ötən ilin iyulunda Mercedes-dən Ferrari-yə Həmiltonun uzun illərdir tanıdığı Luka Dyella keçib və o artıq 44 nömrəli maşının mühəndis briqadasına daxil edilib.
Bundan əlavə, komanda daha bir təcrübəli və nüfuzlu mütəxəssislə güclənib — yaxın keçmişdə Racing Bulls-un baş mühəndisi olmuş Giyom Dezote də Ferrari-yə qoşulub.
Təbii ki, İtaliya komandasının azarkeşləri ümid edirlər ki, bütün bu addımlar Skuderiyaya Həmiltonla qarşılıqlı anlaşmanı qurmağa kömək edəcək və o, öz potensialını tam şəkildə göstərə biləcək. Ancaq bu, çoxlu naməlumluqları olan bir tənlikdir: təkcə yarış mühəndisi məsələsini həll etmək kifayət deyil. SF-26-nın kifayət qədər effektiv və sürətli olub-olmadığı da vacibdir və bu, yalnız testlər zamanı və mövsümün ilk bir neçə yarışı sonrası aydınlaşacaq.
Şərh əlavə et