İtaliya Qran Prisindən bir neçə gün əvvəl Scuderia Ferrari-nin texniki strukturunda dəyişiklik baş verib. Komandanın ERS departamentinin rəhbəri Tyerri Barito Ferrari-ni tərk edib. Onun vəzifələrini müvəqqəti olaraq komandanın baş motorçusu Enriko Qvaltyeri icra edəcək.
Fransalı mühəndis Tyerri Barito 2000-ci ilin oktyabrından Ferrari-də çalışıb. Bu müddət ərzində o, həm Formula 1, həm də şirkətin yol avtomobilləri ilə bağlı müxtəlif vəzifələrdə fəaliyyət göstərib.
2017-ci ildə Barito enerji bərpa və turbokompressor sistemlərinə cavabdeh təyin olunub və hibrid güc qurğularının hazırlanmasında əsas fiqurlardan birinə çevrilib.
Şərh əlavə et