Monakoda keçirilən Formula 3 sıralanma turunda ən yaxşı nəticəni Teofil Nael göstərib. Fransalı pilot bazar günü baş tutacaq əsas yarışa poul mövqeyindən start verəcək. Birinci cərgədə onun yanında Brando Badoer yer alacaq.
Monako şəhər trasının qısa olması (3337 metr) səbəbindən 30 pilot iki qrupa bölünüb. Cüt nömrəli pilotlar A qrupunda, tək nömrəli pilotlar isə B qrupunda mübarizə aparıblar. Hər qrupa 16 dəqiqə vaxt ayrılıb.
Yeni format qaydalarına əsasən, ən sürətli nəticəni göstərən qrupun lideri poul qazanır, digər qrupun ən sürətli pilotu isə ikinci yerdən start alır. Sonrakı start mövqeləri qruplar arasında növbələşdirilir.
A qrupunda mübarizənin ilk mərhələlərində Uqo Uqoçukvu, Tayto Kato və Noa Strömsted növbə ilə liderliyə yüksəliblər. Sessiyanın sonunda isə Brando Badoer 1:24.612 nəticə ilə hamını qabaqlayıb. O, Uqo Uqoçukvunu üç, Tuukka Taponeni isə 0.6 saniyə geridə qoyub.
B qrupunda ilk sürətli dövrələrdən sonra Teofil Nael önə çıxıb. Sonradan Matsey Qladiş və Freddi Sleyter liderliyi ələ keçirsələr də, ART komandasının pilotu yekun hücumunda 1:24.471 nəticə göstərərək həm qrupun, həm də ümumi təsnifatın ən sürətli sürücüsü olub.
Sleyter ikinci nəticəni göstərsə də, son cəhdlərindən birində baryerə toxunaraq ön qanadının yan hissəsini zədələyib. Ernesto Rivera isə üçüncü pilləyə yüksəlib.
Beləliklə, Teofil Nael mövsümdə Melburndan sonra ikinci poulunu qazanıb. Bazar günü keçiriləcək əsas yarışda ilk sıranı Nael və Badoer bölüşəcəklər.
Şənbə günü keçiriləcək sprint yarışına isə tərs start düzülüşünə əsasən Enzo Delinyi poul mövqeyindən başlayacaq.
A Qrupu
| Sıra | Pilot | Komanda | Vaxt | Fərq | Dövrə |
|---|---|---|---|---|---|
| 1 | B.Badoer | Rodin Motorsport | 1:24.612 | — | 11 |
| 2 | U.Uqoçukvu | Campos Racing | 1:24.963 | +0.351 | 11 |
| 3 | T.Taponen | MP Motorsport | 1:25.242 | +0.630 | 10 |
| 4 | B.del Pino | Van Amersfoort Racing | 1:25.308 | +0.696 | 10 |
| 5 | N.Stromsted | Trident | 1:25.332 | +0.720 | 10 |
| 6 | H.Yamakoşi | Van Amersfoort Racing | 1:25.352 | +0.740 | 11 |
| 7 | T.Kato | ART Grand Prix | 1:25.477 | +0.865 | 10 |
| 8 | L.Şarp | Prema Racing | 1:25.693 | +1.081 | 11 |
| 9 | N.Bhirombhakdi | DAMS Lucas Oil | 1:25.878 | +1.266 | 11 |
| 10 | B.Benavides | AIX Racing | 1:25.890 | +1.278 | 11 |
| 11 | K.Li | ART Grand Prix | 1:26.014 | +1.402 | 10 |
| 12 | M.de Palo | Trident | 1:26.208 | +1.596 | 10 |
| 13 | H.Qarfias | Prema Racing | 1:26.293 | +1.681 | 11 |
| 14 | F.Maklaflin | Hitech | 1:26.387 | +1.775 | 9 |
| 15 | F.Barrikello | AIX Racing | 1:26.820 | +2.208 | 10 |
B Qrupu
| Sıra | Pilot | Komanda | Vaxt | Fərq | Dövrə |
|---|---|---|---|---|---|
| 1 | T.Nael | Campos Racing | 1:24.471 | — | 11 |
| 2 | F.Sleyter | Trident | 1:24.877 | +0.406 | 10 |
| 3 | E.Rivyera | Campos Racing | 1:24.882 | +0.411 | 11 |
| 4 | A.Custi | MP Motorsport | 1:25.028 | +0.557 | 10 |
| 5 | P.Klero | Rodin Motorsport | 1:25.129 | +0.658 | 10 |
| 6 | J.Si | DAMS Lucas Oil | 1:25.212 | +0.741 | 11 |
| 7 | M.Qladış | ART Grand Prix | 1:25.214 | +0.743 | 10 |
| 8 | D.Nakamura | Hitech | 1:25.271 | +0.800 | 11 |
| 9 | N.Lakorte | DAMS Lucas Oil | 1:25.308 | +0.837 | 11 |
| 10 | K.Ho | Rodin Motorsport | 1:25.479 | +1.008 | 10 |
| 11 | E.Delinyi | Van Amersfoort Racing | 1:25.480 | +1.009 | 11 |
| 12 | E.Devid | AIX Racing | 1:25.520 | +1.049 | 10 |
| 13 | D.Uorton | Prema Racing | 1:25.649 | +1.178 | 11 |
| 14 | M.Kolnanji | MP Motorsport | 1:25.919 | +1.448 | 11 |
| 15 | U.Şin | Hitech | 1:26.223 | +1.752 | 11 |
Şərh əlavə et