Lakin son Dünya Çempionu artıq qələbələr uğrunda real mübarizə aparmağa imkan verən maşın istəyir.
Lando Norris: “Yaponiyada Oskarın yarış qazanmaq şansı var idi və mən onun maşınımızla bağlı qiymətləndirməsi ilə tam razıyam – maşın pis deyil, özü də yaxşı çıxış etdi. Suzuka kimi trasda ötmə etmək çox çətindir və məncə, təhlükəsizlik maşını olmasaydı, o yarışı qazana bilərdi və qazanmalı idi. Ən təsirli məqam da məhz bu idi. Oskarın Yaponiyadakı performansı yaxşı oldu, baxmayaraq ki, Kimi Antonelli hər dövrə təxminən bir saniyə daha sürətli idi.
Yeri gəlmişkən, xatırlayırsınız ki, mən də burada – Mayamidə ilk qələbəmi qazananda (2024-cü ildə) təhlükəsizlik maşını kömək etmişdi? Bəzən udursan, bəzən uduzursan. Rəqibdən bir saniyə yavaş ola bilərsən, ancaq yenə də qalib gəlmək mümkündür. Oskarın vəziyyətində də belə idi.
Hər halda istəyirik ki, maşın kifayət qədər sürətli olsun və dərhal qələbə uğrunda mübarizə aparmağa imkan versin. Ümid edirik ki, belə də olacaq. Amma bunu zaman göstərəcək.
Biz bilirik ki, Mayamiyə yalnız biz yox, digər komandalar da texniki yeniliklərlə gəliblər. İnkişafdan əminik və düzgün istiqamətdə gedirik, lakin fərqi nə qədər azalda biləcəyimizi demək çətindir. Maşın həqiqətən yenilənib və bizim vəzifəmiz ondan maksimumu çıxarmaqdır.
Reqlamentdə edilən dəyişikliklərə gəlincə, əslində biz çox şey dəyişə bilmirik. Bu sadəcə doğru istiqamətdə atılmış addımdır, amma bir çox şeyə uyğunlaşmalı olacağıq. Kvalifikasiyada müəyyən irəliləyişlər ola bilər, ancaq yarışda ciddi fərq gözləmirəm.
Söhbət təkcə bizim – sürücülərin istəklərindən getmir. Dəyişikliklər komandaları, rəhbərliyi və müxtəlif şirkətləri də qane etməlidir. Hamı razıdır ki, gələcəkdə çox şeyi dəyişmək lazımdır, amma bunun nə vaxt baş verəcəyini bilmirik. Bir ildən sonra, iki ildən, yoxsa üç ildən…”
Şərh əlavə et