Xeresdə keçirilən yarışa poul mövqeyindən başlayan Mark Markes startda yerini qoruyaraq ilk döngəyə lider daxil olub. Marko Bezzekki isə əla startla ikinci yerə yüksəlib.
Lakin qısa müddət sonra Aleks Markes Bezzekkini keçərək ikinci yerə çıxıb. İkinci dövrədə isə bu dəfə qardaşı Markesi geridə qoyaraq liderliyi ələ alıb.
Bir müddət sonra Mark Markes qorxulu qəza etsə də, ayağa qalxaraq qaraja qayıtmağı bacarıb.
Toprak Razqatlıoğlu uzun dövrə cəzasını çəkdikdən sonra trasa 21-ci yerdə geri dönüb.
10 dövrə geridə qaldıqdan sonra Aleks Markes ikinci yerdəki Marko Bezzekki ilə fərqi təxminən 2 saniyəyə çatdırıb. Üçüncü yerdə isə Fabio Di Ciannantonio qərarlaşıb.
Ai Oqura Enea Bastianinini keçərək 7-ci yerə yüksəlib. Raul Fernandez isə Yohann Zarko ilə mübarizədən qalib ayrılaraq 5-ci yerə yüksəlib.
Yarışın qalan hissəsində ciddi dəyişiklik baş verməyib və 25 dövrəlik mübarizənin qalibi Aleks Markes olub. O, Marko Bezzekkini təxminən 3 saniyə qabaqlayıb. Fabio Di Ciannantonio isə podiumu tamamlayıb.
Xorxe Martin dördüncü, Ai Oqura beşinci, Raul Fernandez altıncı olub. İlk 10-luğu Yohann Zarko, Enea Bastianini, Fermin Aldeqer və Pedro Akosta tamamlayıb.
Şərh əlavə et