Britaniya komandası ötən ilin FW47 bolidi ilə işləyib. Səhər sükan arxasına Karlos Sayns keçib, günün ikinci yarısında isə onu komanda yoldaşı Aleks Elbon əvəzləyib. Williams-ın mətbuat xidməti dövrə vaxtları və qət edilən dövrələrin sayı kimi detalları açıqlamasa da, testlərin Mayami Qran-prisinə hazırlıq çərçivəsində keçirildiyini bildirib.
“Silverstounda bir günü geridə qoyduq. Bu, komanda üçün bir neçə dövrə vuraraq Mayamiyə yollanmadan əvvəl ritm tutmaq imkanı idi”, – deyə Williams-da bildirilib.
Qeyd edək ki, Formula 1-in titullu komandalarından biri olan Williams mövsümə pis başlayıb və üç yarışdan sonra 2 xal toplayaraq, Mühəndislər Kubokunda 9-cu yerdə qərarlaşıb.
Şərh əlavə et