Həmin gün Haas F1 komandasının pilotu Oliver Berman finiş xəttini demək olar ki, qırmızı bayrağın göstərildiyi anla eyni vaxtda keçmişdi. Komanda iddia edirdi ki, qırmızı bayraqlar son anda göstərildiyi üçün pilot onları görə bilməyib və buna görə də dövrə vaxtı qüvvədə qalmalı idi. Stüardlar görüntüləri uzun müddət araşdırmış və nəticədə əvvəlcə sessiyanın dayandırıldığını, daha sonra isə pilotun dövrəni tamamladığını müəyyən edərək nəticəni saymamışdılar.
İndi bu məsələ Beynəlxalq İdman Məcəlləsində ayrıca maddə kimi rəsmiləşdirilib. Yeni qaydaya əsasən, əgər maşın qırmızı bayraq göstərildikdən sonra dövrənin finiş xəttini keçərsə, həmin dövrənin vaxtı hesablanmır. Qırmızı bayrağın göstərildiyi an xronometraj sisteminin məlumatlarına əsasən müəyyən olunur, əgər bu mümkün olmazsa, yarış direktoru və ya trasın katibi ilə baş xronometrist tərəfindən təsdiqlənir. Əgər dövrə vaxtı qırmızı bayrağın ilk göstərilməsindən sonra qeydə alınıbsa, stüardlar onu silməlidirlər.
Şərh əlavə et