Kokpit.az bildirir ki, yeni zellandiyalı sürücü mövsümün qalan yarışlarında Yuki Tsunoda ilə komanda yoldaşı olacaq.
RB komandası təxminən bir saat əvvəl Daniel Rikkardonun komandadan göndərildiyini bildirmişdi. Elə bu xəbərdən bir neçə dəqiqə sonra isə Liam Lousonun transferini açıqlayıblar.
Visa Cash App RB komandasının rəhbəri Loren Mekis Danielin komandadan gedişi və Liam Lousonun transferi barədə belə danışıb: “Daniel əla xarakter göstərərək komandaya çoxlu təcrübə və istedad gətirdi. Bu da hamının inkişafına və güclü komanda ruhu yaratmağımıza kömək etdi. O, həmişə xatırlanacaq və Red Bull ailəsində həmişə xüsusi yerə sahib olacaq.
Bundan başqa Liamın komandamıza qoşulmasına görə çox sevincliyəm. O onsuz da komandanı yaxşı tanıyır. Keçən il bizim komandada yarışdı və çətin şəraitdə yaxşı nəticələr əldə etdi. Buna görə də onun komandaya transferi asan olacaq. Red Bull ailəsindən gənc bir sürücünün növbəti addımı atmasını görmək gözəldir. Başımızı aşağı əyib, mövsümün qalan yarışlarına fokuslanmağa çalışacağıq”.
Şərh əlavə et