Kokpit.az xatırladır ki, britaniyalı sürücü Formula1-də keçirdiyi 104 yarışda hələ də qələbə qazana bilməyib və 13 podiumu var. Onun komanda yoldaşı Oskar Piastri isə debütant mövsümündə sprint yarışında qalib gəlib. Bu hal britaniyalı pilotu çox məyus edir.
Lando Norris: “Gələn il 100 faiz əminəm ki, yarış qazanacağıq. Buna çox yaxınıq. Düzdür, hələ düzələsi problemlər var. Komandaya yeni gələn və uyğunlaşmaqda olan yeni işçilər var. Buna baxmayaraq, son 10 ildəki ən güclü kollektivə sahibik.
Hər şey yavaş-yavaş bir araya gəlir. Axır ki, aerodinamik borunu işlətdik və hər şey yaxşılığa doğru gedir. 2024-cü il üçün komandama son 5 ildəkindən çox güvənirəm.
Yenə də növbəti mövsümə yaxşı başlamaq çox vacibdir. Bu ilə çox pis başladıq, amma mövsüm ərzində inkişaf etdik. İndi yaxşı başlamalıyıq. Bunu etsək, bizim üçün yaxşı mövsüm olacaq”.
Şərh əlavə et