Tədbir uğurlu alındığından, O2 Arena rəhbərliyi Formula 1-in gələn il də ümumi təqdimat mərasimi keçirmək qərarı verəcəyi təqdirdə ona yenidən ev sahibliyi etməyə hazır olduqlarını açıqlayıb.
Şayiələrə görə, Formula 1 belə bir şounu yenidən təşkil etməyi planlaşdırır, lakin bu dəfə tədbirin Milan şəhərində keçirilməsi nəzərdən keçirilir. Bununla belə, O2 Arena-nın sahibi olan AEG şirkəti təqdimatın yenidən Londonda baş tutması üçün mübarizə aparmağa hazırdır.
AEG-nin idman üzrə baş vitse-prezidenti Qayel Kazelli deyib: “Bu, möhtəşəm tədbir idi. Onun yenidən keçirilməsi ilə bağlı danışıqlar aparırıq. Eşitdiyimizə görə, Formula 1 müxtəlif variantları nəzərdən keçirir. Hələ formatın və məkanın necə olacağını dəqiq bilmirəm, amma seçim Londonun üzərinə düşərsə, bundan çox məmnun olarıq”.
Şərh əlavə et