Kokpit.az xatırladır ki, bu gün verilən rəsmi açıqlama ilə Red Bull sürücüsü Serxio Pereslə yollarını ayırdığını bildirib. Meksikalı pilot çox güman ki, növbəti mövsüm Formula 1-də yarışmayacaq.
Serxio Peres: “Red Bull ilə dörd mövsüm keçirdim. Belə möhtəşəm komanda ilə yarışdığım üçün minnətdaram. Red Bull üçün yarışmaq mənim üçün inanılmaz təcrübə idi və bir yerdə qazandığımız uğurları həmişə xatırlayacağam.
Bu müddət ərzində rekordlar qırdıq. Böyük dönüm nöqtələrinə çatdıq və bu çoxlu inanılmaz insanlarla tanışma şansım oldu. Komandanın hər bir işçisinə, geridə qalan müddətdə əməyi keçən hər kəsə təşəkkür edirəm. Gələcəkdəki işləri üçün onlara uğurlar arzu edirəm.
Maks ilə komanda yoldaşı olmaq və bu müddət ərzində onunla uğurlarımızı bölüşmək mənim üçün böyük şərəf idi. Birlikdə qazandığımız uğurları qürurla xatırlayacağam.
Bundan başqa dünyanın hər tərəfindəki azarkeşlərimə və xüsusən də meksikalı azarkeşlərə hər gün göstərdikləri dəstəyə görə təşəkkür etmək istəyirəm. Sizlərin dəstəyi mənim üçün həmişə motivasiya dəstəyi oldu.
Bu bir vida deyil. Tezliklə yenidən görüşəcəyik. Bir də unutmayın: Heç vaxt təslim olmayın”.
Şərh əlavə et