Gələn ilin təqvimi açıqlanıb

Stefano Domenikali: “Formula 1-in 75-ci ildönümünü qeyd etməyə hazırlaşdığımız 2025-ci il bizim üçün xüsusi il olacaq. Bu tarixi irs və toplanmış təcrübə sayəsində biz belə təsiredici təqvimi tərtib etmişik. Biz bir daha dünya üzrə 24 əla trasda yarışlara ev sahibliyi edəcəyik – bunlar milyonlarla azarkeşə həzz yaşadacaq yüksək səviyyəli yarışlar olacaq.

FİA-ya, promouterlərimizə və tərəfdaşlarımıza, eləcə də bütün milli federasiyalara göstərdikləri fədakarlıq və dəstəyə görə minnətdarıq. Bütün bunlar Formula 1-ə daha bir çox maraqlı mövsüm vəd edən təqvim yaratmağa imkan verdi. Mən həmçinin komandalarımıza və sürücülərimizə, idmanımızın qəhrəmanlarına və çempionatı inanılmaz həvəslə izləməyə davam edən bütün dünyada azarkeşlərə ehtiramımızı bildirmək istərdim”.

Mohammed bin Sulayem: “Ümumdünya Avtomobil İdmanı Şurası tərəfindən təsdiq edilmiş 2025-ci il üçün Formula 1 təqvimi bizim ümumi missiyamızın növbəti təsdiqi oldu və onu icra edərkən ətraf mühiti düşünürük. Buna görə də biz Dünya Çempionatının mərhələlərini müxtəlif bölgələrdə keçiririk.

Məqsədimiz Formula 1-in ümumi dayanıqlığına nail olmaq olsa da, biz həm də ətraf mühitin, işi daimi səyahətləri əhatə edən hər kəsin sağlamlığının və rifahının qayğısına qalmalıyıq.

FOM Stefano Domenikalinin rəhbərliyi altında, ənənəvi və müasir sxemlərin yaxşı qarışığını özündə əks etdirən bir təqvim təqdim etdi. Çempionatın 75-ci ildönümünü qeyd etməyə hazırlaşarkən biz milli federasiyalara, yerli təşkilatçılara və minlərlə FİA könüllülərinə Formula 1-i həqiqətən qlobal tamaşaya çevirmək üçün yorulmaz səylərinə görə təşəkkür edirik”.