Ostin trasında əla performans nümayiş etdirərək birinci yeri tutan italyan sürücü yarış öncəsi ehtiyatlı, lakin inamlı danışıb. O, xüsusilə yaxşı start götürməyin və ilk döngəyə lider daxil olmağın vacibliyini vurğulayıb.
Küləyin sürüşü xeyli çətinləşdirdiyini deyən Kimi Antonelli sıralanma turundan sonra belə danışıb: “Poul mövqeyini qazandıq, buna görə də sabah qələbə qazanmaq üçün əlimizdən gələni edəcəyik. Maks həftəsonu boyunca çox sürətli idi, Ayzek də inanılmaz iş gördü. Buna görə sabahkı yarış heç də asan olmayacaq.
Yaxşı start götürərək ilk döngəyə lider daxil olmağı və daha sonra öz tempimizi müəyyənləşdirməyi hədəfləyirik. Bununla belə, aradakı fərqlər çox kiçik olacaq.
Sıralanma turundan son dərəcə məmnunam. Külək səbəbindən Q3 həqiqətən çox çətin keçdi. Külək qəfil əsir və istiqaməti əvvəlcədən təxmin etmək mümkün olmurdu. Buna baxmayaraq, yaxşı dövrə vurduğum üçün çox xoşbəxtəm”.
Şərh əlavə et