Kokpit.az bildirir ki, fevralın 18-cə keçiriləcək tədbirdə 10 komandanın bütün rəhbərləri və 20 Formula 1 sürücüsü iştirak edəcək. Düzdür, bu tədbirə qədər bəzi komandalar öz bolidlərini təqdim edəcəklər, amma bu tədbirdə bütün komandalar eyni anda rəng çalarlarını insanlara göstərəcəklər.
Tədbirə getmək üçün isə bilerlər 58 funt sterlinqdən başlayır. Ən bahalı biletin qiyməti isə 113 funt sterlinqdir. Bu tədbirdə həm sürücülər, həm də komanda rəhbərləri ilə reportajlar daxil olmaqla azarkeşlərə interaktiv tədbir vəd edilir. Bu tədbirdə Maks Ferstappen, Lyuis Həmilton, Fernando Alonso və digər sürücülər O2-nin əsas səhnəsində Castin Biber, Piter Key və Madonna kimi ulduzlara qoşulacaqlar. Tədbir həm də İnternet üzərindən canlı yayımlanacaq.
Formula 1-in rəhbəri Stefano Domenikali bildirib ki, azarkeşləri unudulmaz bir axşam gözləyir: “Yeni mövsümü rəsmən başlatmaq və 75-ci ildönümümüzü qeyd etmək üçün ilk dəfə azarkşelərimizi, idmanımızın iyirmi ulduzunu və bəzi çox xsüsusi qonaqları bir araya gətirəcəyik. Bu hər yaşdan azarkeşin bir araya gəlməsi üçün əla bir fürsət olacaq”
Bu tədbirin əsas təşkilatçısı Veqas Qran Prisinin açılış və qapanış mərasımlərini təşkil edən BrianBurkeCreative şirkətidir. Şirkətin direktoru olan Brayan Berk bildirib ki, Formula 1-in əyləncəli tədbirini səbirsizliklə gözləyir: “Yeni əyləncə təcrübələri yaratmaq üçün Formula 1 ilə tərəfdaşlıq etmək, xüsusən də idmanın 75-ci ildönümünü qeyd edən 2025-ci il mövsümündə yeni təqdimat tədbirini təşkil etmək inanılmaz şərəfdir. 10 komandanın hamısı ilə etdiyimiz tərəfdaşlığın hesabına azarkeşlərə yeni bolidlərin görüntüsünü, Formula 1-in ulduzları ilə reportajları və əyləncəli konsertləri təqdim edəcəyik. Bu tədbiri qaçırmaq olmaz, çünki daha əvvəl belə tədbir heç vaxt olmayıb”.
Şərh əlavə et