Məlum olub ki, Toto Volffun payından bir hissəni almaq üçün danışıqları CrowdStrike şirkətinin həm-təsisçisi və baş direktoru Corc Kurts aparır. CrowdStrike 2019-cu ildən Mercedes-in əsas sponsorlarından biridir. Komandanın maşınlarında və pilot kombinezonlarında şirkətin loqotipi var, həmçinin şirkət komandanın rəqəmsal infrastrukturunun kibertəhlükəsizliyini təmin edir.
Corc Kurts böyük avtoidman həvəskarıdır və FIA-nın bronz yarışçı lisenziyasına sahibdir. O, GT World Challenge və IMSA kimi seriyalarda çıxış edib, 2023-cü ildə isə Le Man 24 Saat yarışında LMP2 Pro-Am kateqoriyasında qalib gələn ekipajın üzvü olub.
Financial Timesın məlumatına görə, Corc Kurts Toto Volfun payından 5 faiz almağı planlaşdırır. Əməliyyat baş tutduqdan sonra Toto Volf həm icraçı direktor, həm də Mercedes F1 komandasının rəhbəri vəzifələrini icra etməyə davam edəcək.
Şərh əlavə et