Buna əsas səbəblərdən biri komandanın icazə verilən büdcə limitinə sığmaq zərurətidir. Büdcəyə, maşın üzərində çalışan bütün mühəndis və mütəxəssislərin maaşları daxildir. Yalnız ən yüksək maaş alan üç rəhbər şəxs bu limitdən kənarda qalır.
Mövsüm ərzində Ədrian Nyuinin rəhbərlik etdiyi texniki şöbəyə bir neçə güclü mütəxəssis qoşulduğu üçün bəzi əməkdaşların vəzifələri dəyişdirilib və ya onlar işdən çıxarılıblar. Onların arasında konstruktor Akio Haqa və Mercedes komandasının keçmiş aerodinamika şöbə rəhbəri Erik Blondin də yer alır.
Aston Martin nümayəndəsi BBC Sporta açıqlamasında bildirib: “Biz daxili məsələləri şərh etmirik və hələlik rəsmi açıqlayacağımız bir şey yoxdur. 2026-cı il mövsümündən öncə texniki yenidənqurma prosesi aparılır və bununla bağlı məlumat yaxın zamanda paylaşılacaq”.
Şərh əlavə et