Kokpit.az bildirir ki, britaniyalı sürücü gələn həftə keçiriləcək İtaliya Qran Prisinin startında beş yer itirəcək. Bu qərar startdan əvvəl baş verən insidentlə bağlıdır.
Yeddiqat Dünya Çempionunun yarışı uğursuz alınıb. O, 23-cü dövrənin 3-cü döngəsində etdiyi qeyri-adi səhv nəticəsində qəzaya uğrayaraq, mübarizəni dayandırıb.
Bundan əlavə, yeddiqat dünya çempionu yarışdan sonra araşdırmaya cəlb olunub. Səbəb isə yarışdan əvvəl sarı bayraqlara əməl etməməsidir.
Ferrari sürücüsü starta çıxmazdan əvvəlki hazırlıq dövrələrində iki dəfə sarı bayraqlar altında sürəti azaltmayıb. Həmçinin pit yoluna daxil olarkən sürətini kifayət qədər aşağı salmayıb.
Nəticədə o, Beynəlxalq İdman Qaydalarının Əlavə H, 2.5.5 b) maddəsini, yarış direktorunun göstərişlərini və Formula 1-in idman qaydalarının 44.1-ci maddəsini pozub.
Beləliklə, əfsanəvi sürücü Ferrari ilə çıxacağı ilk İtaliya Qran Prisinin startında beş yer itirəcək. Bundan əlavə Həmiltonun superlisenziyasına iki cərimə balı yazılıb.
Şərh əlavə et