Kokpit.az xatırladır ki, italyan sürücü Niderlanddakı sıralanma turunda 11-ci olaraq, ikinci sessiyada ələnib.
Kimi Antonelli verdiyi müsahibədə həmin qəzadan sonra bütün həftəsonunun çətinləşdiyini etiraf edib:
“Birinci sərbəst yürüşlərdə çox erkən qəza etməyim həftəsonunyn qalan hissəsinə mənfi təsirlədi. Özümə gəlməyə çalışdım və çoxlu sürətli dövrə imkanını əldən verdim. Üçüncü sərbəst yürüşlərdə yarış tempində işləmək də vəziyyətimi asanlaşdırmadı. Bütün bunlar ilk sessiyada etdiyim səhvin nəticəsi idi”.
Kimi Antonelli əlavə edib ki, əslində maşında özünü yaxşı hiss edib: “Son yarışlarla müqayisədə tempimə daha çox yaxın idim. Üçüncü sessiyanı bir qədər kiçik fərqlə əldən vermək həqiqətən məyusedici oldu. Əgər ilk sərbəst yürüşü təmiz keçirə bilsəydik, həftəsonu çox fərqli ola bilərdi. Amma indi yarışa fokuslanmağa çalışacağıq”.
Şərh əlavə et