Zandfortdakı sıralanma turunda Mercedes-in ən yaxşı nəticəsi Corc Rassellin qazandığı 5-ci yer olub.
Corc Rassell (5-ci yer): “Beşinci yerdən razı deyiləm, amma həftəsonu boyunca mübarizə o qədər gərgin idi ki, nəticəni əvvəlcədən təxmin etmək mümkün deyildi. Final sessiyasında ideal dövrə yığa bilmədim. Halbuki ikinci cərgə üçün şansım vardı. Nəticədə layiq olduğumuz yeri tutduq. Ayzek Hacarı təbrik edirəm, çox güclü təsnifat keçirdi.
Bu gün görək nə baş verəcək. Üçüncü sərbəst yürüşlərdə yarış tempində maşın sürətli idi, ümid edirəm ki, bu temp mənə podium uğrunda mübarizə aparmağa imkan verəcək”.
Komandanın rəhbəri Toto Volf bildirib: “Bütün həftəsonu maşının potensialını tam açmaq mümkün olmadı. Güclü külək həm Corc, həm də Kimi üçün çətinlik yaratdı. Bəzən sürət geri qayıtsa da, anlayırdıq ki, sıralanma turu asan keçməyəcək. Nəticədə Kimi ikinci sessiyada mübarizəni dayandırdı, Corc isə finala keçsə də, maşının ön tərəfinin həddindən artıq çevikliyi səbəbindən ikinci cərgəyə yüksələ bilmədi.
Zandfort kimi ötmə etmək çətin olan trasda 5-ci və 11-ci yerlərdən start götürmək asan olmayacaq. Amma yarış tempində həm Corc, həm də Kimi sürətlidirlər, bu isə bizə ümid verir. Üstəlik, hava da əlavə intriqa yarada bilər”.
Şərh əlavə et