Zandfortda keçirilən Niderland Qran Prisində üçüncü yeri tutan fransız sürücü, Formula 1 tarixində podiuma qalxan 219-cu sürücü kimi qeydə alınıb. Bu nəticə Racing Bulls pilotuna şəxsi hesabda 10-cu pilləyə, komandaya isə Konstruktorlar Kubokunda 7-ci yerə yüksəlməyə imkan verib.
Ayzek Hacar: “Bu nəticə bir az qeyri-real görünür. Mənim üçün ən böyük sürpriz bütün yarış boyu dördüncü yeri qorumağım oldu. Lando Norris yarışı dayandırandan sonra fürsəti dəyərləndirdik, amma əsas odur ki, heç bir səhv etmədik.
Maşın bütün həftəsonu relsdə gedirmiş kimi sabit idi. Maksimumu almağı, səhvlərdən qaçmağı və podiuma yüksəlməyi bacardım. Komandam üçün çox sevinirəm.
Mən uşaqlıqdan podium arzulamışam. İlk podium yalnız başlanğıcdır, ümid edirəm ki, qarşıda məni daha böyük uğurlar gözləyir”.
Şərh əlavə et