Niderland Qran Prisinin təsnifat mərhələsində Oskar Piastri komanda yoldaşı Lando Norrisi cəmi 0,012 saniyə qabaqlayaraq mövsümdə beşinci poulunu qazanıb.
Bu nəticə ilə McLaren tarixində 70-ci dəfə tam heyətlə ilk cərgədən start alacaq. Üstəlik, uğur komandanın qurucusu Bryus Maklarenin doğum günündə gəlib.
Oskar Piastri: “Lazım olan anda maksimumu ortaya qoyduq. Həftəsonu ərzində özümü yaxşı hiss edirdim, amma bəzi döngələrdə sürət tapa bilmirdim. Orada uduzduğumu digər hissələrdə kompensasiya etdim.
Bu poul məni çox sevindirdi, çünki həftəsonu çətin keçəcək kimi görünürdü. Əsas olan addım-addım irəliləmək idi və sərbəst yürüşlərdə işləmək fürsətimiz oldu.
Hələ də bəzi sahələrdə inkişaf lazımdır, amma ümumi nəticədən çox razıyam. Hər həftəsonu mən və Lando bir-birimizi qabaqlamağa çalışırıq. Görək sabah necə olacaq”.
Şərh əlavə et