Xəbəri Kokpitdə Oxuyun!

M.Ferstappen: McLaren sürətlidir

Red Bull komandasının sürücüsü Maks Ferstappen bildirib ki, hazırda McLaren çox sürətlidir.

Niderland Qran Prisinin təsnifat mərhələsində yerli sürücü üçüncü nəticə göstərib. Red Bull Racing sürücüsü nəticədən məmnundur, lakin McLaren pilotları ilə qələbə uğrunda mübarizə barədə danışmaq istəməyib.

Maks Ferstappen (3-cü): “Komanda üçün çətin həftəsonu keçir, amma təsnifatda maşın əvvəlki sessiyalardan daha yaxşı idarə olunurdu. Açığı, startda üçüncü yer mənim üçün çox yaxşı nəticədir.

Azarkeşlərin dəstəyi möhtəşəmdir, tribunada bu qədər narıncı rəng görmək xoşdur. Sabahkı yarışda nə edə biləcəyimizi görəcəyik. McLaren sürətlidir, biz isə öz işimizə fokuslanmalıyıq.

Bu gün yaxşı irəliləyiş əldə etdik və ümid edirəm ki, sabah da eyni tempimizi qoruya biləcəyik.”

Rauf Hacıyev

Şərh əlavə et