Red Bull-un pilotu nəticəsini şərh edərkən bildirib ki, maşınla bağlı problemlər qalmaqda davam edib və həftəsonunun qalan günlərində vəziyyətin köklü şəkildə dəyişəcəyini gözləmir.
Maks Ferstappen: “Bu gün qeyri-adi heç nə olmayıb – bizdə maşınla bağlı həmişəki problemlər qalmaqda davam edib. Bir çox müxtəlif sazlama variantlarını sınamışıq, amma onların heç biri yaranmış problemləri həll edə bilməyib.
Axşam baxacağıq ki, şənbə günü sürətlənmək üçün nə etmək olar, amma mən hansısa köklü dəyişikliklər gözləmirəm. Bundan əlavə, trasın xüsusiyyətləri də maşınla bağlı problemlərin aradan qaldırılmasına kömək etmir. Əsas çətinliklər ikinci sektordadır, orada çoxlu uzun döngələr var. Maşın həmin hissələrdə ən yaxşı performansa sahib deyil.
Elə görünür ki, bu həftəsonu mən ilk beşlik uğrunda mübarizə apara biləcəyəm, amma daha dəqiqini şənbə günü biləcəyik”.
Xatırladaq ki, Maks sonuncu dəfə podiuma Kanadada yüksələ bilib. Sonuncu Macarıstan Qran Prisini isə 9-cu yerdə başa vurub…
Şərh əlavə et