Kokpit.az xatırladır ki, britaniyalı sürücü Niderland Qran Prisinin təsnifat mərhələsində poul uğrunda mübarizəni cəmi 0,012 saniyə ilə komanda yoldaşı Oskar Piastriyə uduzub və ikinci yeri tutub.
Lando Norris (2-ci): “Bütün həftəsonu nəticələr çox sıx idi, istənilən anda üstünlük mənə də, Oskara da keçə bilərdi. Poulu qaçırdığım üçün bir az məyus oldum, amma bu dünyanın sonu deyil. Çox gərgin mübarizə getdi və bir neçə yaxşı dövrə vura bildim.
Trasda külək güclü idi, bu da hər şeyi çətinləşdirirdi. Son sessiyada ilk cəhdimdə yaxşı dövrə vurdum, amma düzlükdə qarşıdan əsən külək təxminən bir saniyənin yüzdə birini itirməyimə səbəb oldum və poul da məhz orada əldən çıxdı.
Bununla belə, start mövqeyim kifayət qədər yaxşıdır. Oskar bu həftəsonu çox sürətli idi, amma biz hər ikimiz mövsüm boyu güclü çıxış edirik. Sabah bizi maraqlı yarış gözləyir.
Keçən il bu trasda startımız uğursuz alınmışdı, indi isə görək nə baş verəcək. Yarış uzun olacaq, çox dövrə var və üstəlik, hava şəraiti də sürprizlər edə bilər”.
Şərh əlavə et