Keçmiş Formula 1 sürücüsü Rubens Barrikellonun oğlu AIX Racing komandasında Ceyms Hedlini əvəz edəcək. Bundan əlavə, komanda təsdiqləyib ki, 19 yaşlı braziliyalı gələn il Formula 3-də tam mövsüm keçirəcək.
Fernando Barrikello: “Mən bu imkana görə hədsiz dərəcədə minnətdaram – bu anın gəlməsi üçün çox işləməli olmuşuq! Mən AIX Racing-ə qoşulduğuma və ciddi nəticələr uğrunda mübarizə aparacağıma görə şadam. Formula 3-də Braziliyanı təmsil etmək mənim üçün şərəfdir!”
Fernando Barrikello karyerasına 2022-ci ildə Braziliya Formula 4-də başlayıb. Debüt mövsümünün yekununda iki qələbə qazanıb və şəxsi hesabda yeddinci yeri tutub.
2023-cü ildə Barrikello İspaniya Formula 4-də çıxış etib, 2024-cü ildə isə Avropa Formula Open seriyasında üçüncü yeri tutub. Bu seriyada braziliyalı hazırkı mövsümdə də çıxış edir – beş mərhələdən sonra onun aktivində bir qələbə, üç podium var və çempionatda 6-cı yerdədir.
Şərh əlavə et