Yuki Tsunodanın gələn mövsüm üçün müqaviləsi yoxdur və komanda yoldaşı Maks Fersrstappendən davamlı geri qalması, onun Red Bull Racing-də qalmaq şanslarını azaldır. Yaponiyalı pilot da vəziyyətin fərqindədir və Niderland Qran Prisindən əvvəl mütləq xal qazanmağa başlamalı olduğunu bildirib.
Yuki Tsunoda Zandvoortda cümə axşamı günü verdiyi açıqlamada deyib: “Əlbəttə ki, daha çox uğur qazanmalıyam və yay fasiləsindən əvvəlki son iki yarış mənə bir qədər kömək etdi. Yəqin ki, əvvəllər komanda mənimlə Maks arasındakı sürət fərqinin nə qədər böyük olduğunu tam dərk etmirdi, çünki maşınlarımız fərqli konfiqurasiyada idi.
Yeni altlıq aldıqdan sonra tempim kəskin şəkildə yaxşılaşdı. Macarıstanda Maks ilə aramızdakı fərq minimuma enmişdi. Bu da komandaya mənim potensialımı göstərdi.
Mən işimi görməyə davam etməliyəm, amma eyni zamanda hər yarış həftəsonunu bir yerə toplamalıyam. Təkcə yarış tempinə güvənmək olmaz. Həm də xal toplamalıyam”.
Şərh əlavə et