Kokpit.az xatırladır ki, monakolu sürücü Macarıstan yarışına pouldan başlayıb, yaxşı templə getsə də, yarışın sonlarında tempi düşqb və dördüncü yerlə razılaşmalı olub.
Şarl Lekler: “Macarıstanda poul qazandım və orada ötmək çətin olduğu üçün qələbə şansımız böyük idi. Amma bu mövsümdə daha belə fürsətlərin olub-olmayacağı şübhəlidir, çünki McLaren çox güclüdür.
Montsa? Qalib gəlsək, təəccüblənəcəyik. Düzünü desəm, ötən il kimsə mənə Montsada qalib gələcəyimizi desəydi, inanmazdım. Görək necə olacaq. Mən şans hesablamalarını sevmirəm, məni daha çox düşündürən odur ki, biz komanda olaraq McLaren-lə mübarizə aparmaq üçün özümüzü necə ən yaxşı vəziyyətə gətirə bilərik”.
Şarl Lekler həmçinin Ferrari-də rəhbərlik məsələlərinə də toxunub: “Vassyörün müqaviləsinin uzadılması çox vacib oldu. Əlbəttə, komandanın rəhbərinin dəyişdiriləcəyi barədə söz-söhbət yayılanda, sən çalışırsan bunlara fikir verməyəsən. Amma istəsən də, bu şayiələr müəyyən təsir göstərir.
İndi isə vəziyyət aydındır və Fred yeni müqavilə imzalayıb. Bu, komandaya çox kömək etdi. O, əla insandır və hədəfləri çox aydın şəkildə müəyyənləşdirib. Biz ondan tam razıyıq, təkcə mən və sürücülər yox, bütün komanda. Düzgün yolda olduğumuza inanıram”.
Şərh əlavə et