Zandforta yollanarkən tıxacda ilişib qalan Karlos Sayns mətbuata açıqlama verməkdə geciksə də, media qarşısına çıxaraq, mövsümün ilk yarısını dəyərləndirib. İspaniyalı sürücü psixoloji çətinliklərin çox olduğunu və optimizm üçün ciddi səbəb görmədiyini deyib.
Karlos Sayns: “Komanda dəyişmək heç vaxt asan olmur. Qışda çox vaxtı yolda keçirməli oldum. Yanvar və fevralda tez-tez Qrov bazasına gedib simulyatorda işləyirdim. Bu, artıq bir neçə ildir çalışdığın komanda ilə işləməkdən qat-qat çətindir. Ona görə də avqustdakı fasilə mənim üçün çox vacib idi. Macarıstanda həftəsonu pis alınmadı, indi isə onu inkişaf etdirməyə çalışmalıyıq.
Amma Zandfort trasının bizim maşına uyğun olduğunu deyə bilmərəm. Komandada optimizm var, çünki Williams burada əvvəllər nəticələr qazanıb. Açığı, mən başa düşə bilmirəm, bu necə mümkün olub, çünki trasın konfiqurasiyası bizə heç uyğun deyil. Son üç ildə Williams burda sıralanma turunda son sessiyaya düşüb, amma mən səbəbini anlaya bilmirəm. Buna baxmayaraq, bu uğurlu seriyanın davam etməsini çox istəyirəm, çünki yaxşı nəticələrə çox ehtiyacımız var.
İlin əvvəlindən sürətim pis deyildi, sadəcə nəticələr gəlmədi. Mənim üçün əsas məsələ psixoloji olaraq özümü dəyişib daha pozitiv yanaşmaq idi”.
Yay fasiləsində Saynz həm də məşqlərinə davam edib. O, atasının (Karlos Sains Sr.) və keçmiş tennis ulduzu Rafael Nadalın iştirakı ilə qolf oynayıb: “Hamı oyuna fokuslanmışdı, söhbət etməyə çox vaxt olmadı. Amma ümid edirəm ki, bir gün onunla psixoloji dözümlülük barədə danışa biləcəyik. Nadal idmanda ən çox heyran olduğum insanlardan biridir”.
Karlos Sayns həmçinin məşhur sloveniya velosipedçisi, dördqat “Tur de Frans” qalibi Tadei Poqaçar ilə birlikdə məşq edib:
“Əslində mən onunla yox, o mənimlə sürürdü. Mən iki saat ərzində gücümün 80 faizini sərf etdim, amma bu onun üçün cəmi 10 faiz idi. Mənim formam pis deyil, amma Poqaçarın gücü tamam başqa səviyyədədir”.
Şərh əlavə et