Avstriyalı mütəxəssis bildirib ki, Max Verstappen-in 2026-cı ildəki komanda yoldaşı hələ müəyyənləşməyib, amma bu qərarın oktyabr ayının sonuna qədər verilməsi planlaşdırılır.
Helmut Marko: “Hazırda bizi Ayzek Hacarın çıxışı xoş təəccübləndirir. Arvid Lindblad da Formula 2-də yaxşı nəticələr göstərir və plan üzrə irəliləyir. Tam şəkildə prosesə qoşulub və bu il bizimlə bir neçə mərhələdə daha iştirak edəcək.
Aleks Palu? Bu söz-söhbətlər həqiqət deyil. Sadəcə olaraq doğru deyil”.
Marko, Kristiab Hornerin yerinə Red Bull Racing-in başına keçən Loran Mekisin fəaliyyətini də yüksək qiymətləndirib: “Loran komandanın strukturunu və əməkdaşlarını yaxından öyrənməyə davam edir. Orta müddətli perspektivdə biz desentralizasiya olunmuş struktura keçmək istəyirik – hər bir şöbənin öz rəhbəri olacaq və onlar Lorana hesabat verəcəklər. Məsələn, Rob Qri RB17 layihəsinə, Ben Hodkinson isə mühərrik departamentinə rəhbərlik edir. Onlara daha çox məsuliyyət verilib.
Bu isə Mekisə yarış komandası ilə daha yaxından məşğul olmağa imkan yaradır. Onsuz da o, çox yaxşı mühəndisdir və nəticələrdə irəliləyiş artıq görünür. İndi mövsümü mümkün qədər yüksək mövqedə bitirmək istəyirik, amma əlavə qələbələrin gəlib-gəlməyəcəyini söyləmək çətindir”.
Cadillac-ın 2026-cı il üçün Valtteri Bottas və Red Bull-un keçmiş pilotu Serxio Peresi heyətə qatmaq qərarını şərh edən Marko əlavə edib: “Onlar konservativ seçim etdilər və bu iki pilotdan nə gözləyə biləcəklərini yaxşı bilirlər. Mən Serxio ilə telefonla danışdım, çox motivasiyalı görünür. Əgər motivasiyalıdırsa və maşın rəqabətədavamlıdlrsa, mütləq əvvəlki səviyyəsinə qayıdacaq”.
Şərh əlavə et