Kokpit.az xatırladır ki, fransız mütəxəssis 2023-cü il mövsümünün əvvəlindən etibarən Ferrari-nin Formula 1 komandasına rəhbərlik edir. O, komandanı yenidən zirvəyə qaytarmaq üçün işləməyə davam edəcək.
Ferrari-nin yaydığı açıqlamada bildirilib ki, Vassyör işlədiyi iki il ərzində təcrübəsi hesabına komandaya çox şey qazandırıb.
Ferrari-nin baş icraçı direktoru Benedetto Vinya bu barədə belə deyib: “Bugünkü qərar indiyədək qurulan təmələ verdiyimiz dəyəri və qarşıya qoyduğumuz hədəflərə sadiqliyimizi göstərir. Bu, Fredin liderliyinə duyduğumuz güvənin göstəricisidir”.
Frederik Vassyör isə müqavilənin yenilənməsi ilə bağlı bunları bildirib: “Ferrari-nin mənə göstərdiyi etimada görə minnətdaram. Bu müqavilə sadəcə bir təsdiq deyil – eyni zamanda bir çağırışdır. Artıq sağlam təməl qoymuşuq və onun üzərində irəliləməyə davam edəcəyik. Qarşımızdakı gözləntiləri bilirik və onları qarşılamaq üçün birlikdə çalışacağıq”.
Şərh əlavə et