Kokpit.az xatırladır ki, monakolu sürücü Belçikadakı sıralanma turunda son cəhdində yaxşı dövrə vuraraq, üçüncü yeri tutub.
Şarl Lekler: “Bu gün çox xoşbəxtəm. Bunu demək bir az qəribədir, çünki hələ də 0.3 saniyə geridəyik və sadəcə üçüncü olmuşam, amma bu nəticəni həqiqətən gözləmirdim.
Ferrari-nin bu həftəsonu gətirdiyi yeniliklərdən sonra potensialın artdığını hiss etdiklərini bildirən Lekler əlavə edib: “Geridə olacağımızı düşünürdük. Bu həftəsonu gətirdiyimiz yeniliklə maşında daha çox potensial olduğunu bilirdik, amma dünən yenə də çətinlik çəkdik”.
Monakolu pilot sıralanma turunu yüksək qiymətləndirib: “Bu dövrə həqiqətən çox yaxşı idi. Dövrəmdən və maşının hissindən çox razıyam. Sıralanma turunda hər şeyi bir araya gətirə bilməyimiz gözəl oldu”.
Yarışda Ferstappeni arxada saxlamaq və McLaren-lərlə mübarizə aparmaqla bağlı suala isə Şarl Lekler ehtiyatla cavab verib: “Bilmirəm. Onların sprintdə yarış templəri çox güclü görünürdü. Onların tempinə cavab verə bilmədim. Lakin etdiyimiz kiçik dəyişikliklər hesabına onlatla mübarizə apara biləcəyimizə ümid edirəm”.
Şərh əlavə et