Kokpit.az xatırladır ki, 2014-cü il 5 oktyabrında Suzukada baş tutan yağışlı yarışda Jul Byanki təxliyə maşını ilə toqquşmuş və kəllə-beyin travması almışdı. O, 9 ay komada qaldıqdan sonra dünyasını dəyişmişdi. Beləliklə, 1994-cü ilin İmola trasındakı faciədən sonra bu, Formula 1-də yaşanan ilk ölümcül hadisə kimi tarixə düşmüşdü. Həmin faciəvi İmola həftəsonunda Roland Ratsenberger və Ayrton Senna dünyalarını dəyişmişdilər.
Julun başına gələnlər avtoidman icmasında dərin hüznlə qarşılanmışdı. Aradan illər keçsə də, bu gün çoxları onu xatırlayır. Cadillac komandasının rəhbəri Qrəm Loudon da sosial şəbəkədə etdiyi paylaşım ilə Byankini yad edib.
Qrim Loudon: “Bu gün biz dostumuz #JB17-ni xatırlayırıq. Amma başqa bir günü də xatırlayırıq – 2014-cü ilin Britaniya Qran Prisində Jul 12-ci yeri tutmuşdu. Həmin sıralanma turunda hər iki Ferrari, hər iki Williams, hər iki Sauber və hər iki Caterham maşınını qabaqlamışdı”.
Jul Biankinin xatirəsi hələ də Formula 1 azarkeşlərinin və sürücülərinin qəlbində yaşayır. Onun itkisi idman aləmi üçün dərin və ağrılı bir xatirə olaraq qalır.
Şərh əlavə et