Test sessiyası 6–7 avqust tarixlərində Fuji trasında baş tutacaq. İlk gün sükan arxasına Haas-ın ehtiyat pilotu olan Hirakava keçəcək, ertəsi gün isə onu Tsuboi əvəz edəcək. Toyota Gazoo Racing komandasının 30 yaşlı yapon pilotu Tsuboi bununla da karyerasında ilk dəfə Formula 1 maşını idarə edəcək.
Tsuboi hazırda Super Formula seriyasının çempionudur və Super GT seriyasında GT500 sinfində üç dəfə titul qazanıb.
Hirakava isə ötən ilin sonunda Əbu-Dabidə testlərdə iştirak etmişdi. Bu il isə Bəhreyn və İspaniya Qran Prilərinin cümə sərbəst yürüşlərində iştirak edib. Bundan başqa, o, apreldə Silverstounda keçirilmiş TPC (əvvəlki illərin bolidlərinin testləri) proqramında da yer almışdı.
Komandanın rəhbəri Ayo Komatsu bildirib: “TPC qaydalarının tətbiqinə başlanılan ilk mövsümdəcə Yaponiyada – Fuji trasında iki günlük test keçirmək imkanı bizi çox sevindirib. Bu testlər Toyota üçün də mühüm hadisədir, çünki məhz burada – onların ev trasında biz ötən il əməkdaşlığımızın başladığını elan etmişdik.
Şo Tsunoiyə ilk dəfə Formula 1 maşınını idarə etmək imkanı verəcəyimizə görə də sevincliyik. Axı onun aktivində bu qədər titul var. Riyo Hirakavanın potensialını isə artıq yaxşı bələdik və onunla birgə işimiz davam edir”.
Komatsu əlavə edib ki, testlər azarkeşlər üçün açıq olacaq. Bu isə Formula 1-ə böyük maraq göstərən yapon azarkeşlər üçün əla fürsətdir: “Yaponiya azarkeşlərinin bu idmana olan sevgisini bilirik. Buna görə apreldə keçirilən Yaponiya Qran Prisindən sonra bu ölkəyə yenidən dönmək çox xoşdur”.
Testlərdə Haas komandasının mexanik və mühəndisləri ilə yanaşı, Toyota Motor Corporation-un texniki heyəti də iştirak edəcək. Bu, Toyota mütəxəssisləri üçün Formula 1 səviyyəsində təcrübə toplamaq və yeni biliklər əldə etmək imkanı olacaq.
Şərh əlavə et