Xəbəri Kokpitdə Oxuyun!

Son məşqlərdə McLaren üstün olub

Cümə günü bütün komandalar xüsusilə sıralanma turu üçün optimal sazlanmalar tapa bilməyib, bu səbəbdən şənbə səhəri hazırlıqlar davam etdirilib.

Proqnoz isti hava vəd etsə də, əvvəlcə buludlu hava olub və tras kölgədə qalıb, sonra buludlar çəkilib, günəş çıxıb və asfalt tez qızıb – komandalar şəraitə operativ uyğunlaşıblar.

Adətən Red Bull Racing pilotları şənbə məşqinin əvvəlini buraxırlar, amma bu dəfə ilk dəqiqələrdən işləməyə başlayıblar – və maşından razı qalmayıblar. Trafik hamıya mane olub.

Norris, Kolapinto, Lekler, Piastri və Həmilton tras sərhədlərini aşıblar, amma maşınlara zərər dəyməyib. Hacar son döngədə yerində fırlanıb, lakin hərəkətə davam edib. Son dəqiqələrdə Tsunoda fırlanıb, ardınca Ferstappen də eyni aqibətlə üzləşib – hər ikisi boksa qayıdıb.

Cümə günü olduğu kimi, ən yaxşı nəticəni Lando Norris göstərib – ingilis sürücü dövrəni 1:04.324-ə tamamlayıb, bu da ötənilki poul nəticəsindən sürətlidir.

Bizi çox maraqlı sıralanma turu gözləyir…

Elçin Zodorov

Şərh əlavə et